Vaquí l’istòria  de killing Me Softly whith His Song, una cançon polida que polida, que las interpretacions de Roberta flack e Lauryn Hill marquèron l’istòria de la musica.

Tot comença en 1971, quand la jova poetessa Lori Lieberman assista a un concert del Don McLean. Los uèls escarquillats al fons de la sala, tomba amorosa d’aquel cantaire de blues carismatic.

De retorn a l’ostal prenguèt la pluma, e escrivèt  Killing me Softly Whith His Blues dins l’espèr  que l’objecte del seu desir la remarca. « Èra aqui, aquel garçonèt, un estrangièr a mos uèls, cantant ma vida ambe sos mots, me tuant doçament ambe sa cançon… ». La prosa de la joveneta toquèt pas, malastrosament per ela lo cantaire de blues. 

La cançon sortida discretament, interessava pas las ràdios. 

En 72, l’afar es oblidada, pauc de monde an ausit lo tròç de Lieberman. Mas entre temps, la cançon s’èra retrobada per la playlist d’una companhia aeriana, que doncas los passagièrs la posquèron escotar dins l’avion. La legenda conta que la cantairitz de soul Roberta Flak, alara a la cima de sa carrièra, l’escotèt per un vòl entre Los Angeles e New York.

 Tré l’atterisatge, diguèt al productor Quincy Jones que volià cantar aquel tròç que la pertoquèt fòrça. Amassa farguèron çò que venguèt lo tròç de l’annada 73 en America,  pr’amor d’un immens succès critic e commercial. E venguèt tanben la cançon d’una vida per Roberta Flak, que Killing me Softly li pegara a la pel per sa carrièra tota.

Una tresena artista se va emparar de la cançon en 1996, es la diva Hip Hop Lauryn Hill e son grop The Fugees, que ne tornaran far un hit per l’album « The Score ». Los Fugees dintreron dins la legenda ambe una idéa tota simpla : sarrar la musica de Bonita Applebaum, una cançon rap de A Tribe Called Quest e d’i apondar las paraulas de la cançon de Roberta Flack.

Es aital que 25 ans aprèp, lo poema d’una adolescenta venguèt una referencia Hip Hop internacionala.