Good Vibrations

Vaquí l’istòria del Beach Boy que volià venir mai gròs que los Beatles. En 1965 los Beach Boys , lo grop american lo mai famós d’alara fa sa virada al Japon. Mas manca un membre, lo Brian Wilson, bassista e compausitor, es demorat a l’ostal. Mai precisament s’embarrèt a l’ostal e aquò per d’annadas e d’annadas.

Brian Wilson en 65 a lo/son confle de las istorias de surf, de banhòlas clincantas e de filhas bronzadas. Aquel triptic que faguèt dels gojats de la plaja, los numeròs 1 en America, l’emerda ara prigondament. El se compara a Mc Cartney e Lenon, qu’èspantèron lo monde la meteissa annada ambe l’album rubber soul, puei Revolver en 66. 

Enparedat per la cambra, lo Wilson se botèt al travalh ambe una eficacitat remirabla maugrat una consomacion abusiva de LSD. Ambe l’ajuda de l’autor Tony Asher se donèt coma mission de despassar los Beatles. E dins un ambiant monacal, farguèt l’album Pet Souds en calques meses. Un album requist que requist qu’ensoleilhava l’annada 66 amde de Hits coma Wouldn’t be nice.

Lo disc foguèt una capitada totala e lo Brian Wilson dintrèt per la legenda coma engèni de la musica pop. D’unes critics lo comparèron a de grands compausitors de classic. Lo quite Paul McCartney diguèt de la canson « God Only knows » qu’èra la meilhora de tostemps.

Çaquela, maugrat la consideracion e la capitada comerciala, lo Wilson ne vòlià mai, e sa santat mentala trantalhava. En 66 avià una obcession : despassar los Beatles.

La jalosia maladiva del Wilson li donèt, per un temps, un vam tarrible. Se lança en 66 per/dins la produccion del mega tube « Good Vibrations », son arma fatala per la guèrra que mèna als Beatles. Una tampona de mejans exepcionala per una sola cançon. 6 meses d’enregistrament dins quatres estudios diferents ambe un orquestra fach de la crema dels musicians d’alara. Per un budgecte recòrd de 50 000 $. Un centenat d’òras de banda.

Per l’anecdota, pas un Beach Boy jogara la mendra nòta, mas lo grop admiratiu del travalh del Wilson se donarà coma jamai per l’enregistrament de las votz. Good Vibration marca l’apogeu del engèni creatiu del Brian Wilson, e tanben la descasença de l’artista que daissèt sa santat mentala per aquela corsa a l’escaluènha ambe los Beatles. Pas jamai 

tornèt escriure de cap d’òbras coma Good Vibration.